धाराशिव साखर कारखाण्याकडून पोळा सणासाठी दुसरा हाफ्ता जाहीर

 रिपोर्टर: जिल्हयातील चोराखळी येथिल धाराशिव साखर कारखान्याकडून पोळा सणासाठी शेतकरी वर्गाला मदत होईल या धर्तीवर 200 रूपयाचा हाप्ता देण्याचे कारखाण्याचे चेअरमन अभिजित पाटील यांनी जाहीर केले आहे.

उस्मानाबाद जिल्हयातील सहकार क्षेत्रात नावलौकीक आणि सातत्य टिकवून असलेला चोराखळी येथिल धाराशिव साखर कारखाना युनीट १ या  साखर कारखान्याने गेल्यावर्षी सन २०१९-२० गळीत हंगामात शेतकरी सभासदांनी दिलेल्या ऊसाला पहिला हफ्ता म्हणून २१००रू. दिला होता.तर दुसरा हाफ्ता पोळा सणासाठी २००रू देण्याचे चेअरमन अभिजीत पाटील यांनी घोषित केले आहे.
सन २०१९ -२० उस गाळपास पाठविलेल्या शेतकऱ्यांच्या ऊसाला एफआरपी पेक्षा जास्त दर देणार असल्याचे चेअरमन अभिजीत पाटील यांनी घोषित केले होते. दिलेला शब्द पाळत कोरोनाच्या संकट काळात आर्थिक अडचणीत असलेल्या शेतकरी वर्गाला आर्थिक आधार मिळणार आहे. यंदा पाऊसकाळ चांगला असल्यामुळे पोळा,लक्ष्मी,गणपती सणास  जीवनावश्यक वस्तू खरेदी करण्यास,तसेच उसाच्या आंत्तर मशागतीसाठी होणारा खर्च यासाठी शेतक—यांना या हाप्त्याचा उपयोग होणार आहे.कारखाना नेहमी कर्मचारी आणि शेतकरी सभासदाचे हिताचे निर्णय घेत असून सर्वांच्या सुख दुःखात नेहमी डीव्हीपी उद्योग समूहाचे चेअरमन अभिजीत पाटील सहभागी असतात.
शेतकऱ्यांना येत्या दोन दिवसात दुसऱ्या हप्त्याचे दोनशे रुपयाचे चेक घरपोच मिळतील असे चेअरमन अभिजीत पाटील यांनी सांगितले.
तसेच सन २०१८- १९ एफआरपी पेक्षा जास्त दर देऊन मागील १०० रूपये शेतकऱ्यांना देऊन आपला शब्द खरा केला आहे.
अंतीम बिल पोहच केल्या बद्दल उस उत्पादक शेतकरी वर्गातुन समाधान व्यक्त होत आहे.