पुणे रिपोर्टर..भीमा-कोरेगाव गावातल्या ग्रामस्थांनी पत्रकार परिषद घेतली. गावातील
दोन्ही समाज एकत्र आहेत. मात्र बाहेरून आलेल्या लोकांनी हा प्रकार घडवला,
असं ग्रामस्थांनी यावेळी सांगितलं. भीमा कोरेगावची बदनामी करण्यात आली.
ज्या मुलाची हत्या करण्यात आली, त्याच्या कुटुंबीयांना 1 कोटीची मदत करावी,
असंही ते म्हणाले.आम्ही अनेकवर्षांपासून एकत्र गुण्यागोविंदाने नांदत आहोत. आमच्यात आपसात कुठलाही वाद नाही. बाहेरच्यांनी इथे येऊन हिंसाचार केला. उलट भीमा - कोरेगाववर अन्याय होत आहे . मागच्या तीन दिवसांपासून लाईट-पाणी नाही अशी इथे अवस्था आहे असे ग्रामस्थांनी सांगितले. भीमा-कोरेगावमध्ये मोठ्या प्रमाणावर तोडफोड, जाळपोळ झाली. लवकरात लवकर शासनाने पंचनामे करून नुकसान भरपाई द्यावी अशी मागणी ग्रामस्थांनी केली आहे
दरवर्षी इथे लाखोंच्या संख्येने लोक येतात. आम्ही त्यांच्या खाण्या-पिण्याची सोयही करतो. पण शासनाने आवश्यक बंदोबस्त न ठेवल्याने हिंसाचार घडला असे गावकऱ्यांनी सांगितले.
ज्यांचं नुकसान झालय त्यांना सरकारने मदत करावी. सगळ्यात जास्त अन्याय भीमा कोरेगाववर झालाय आणि आमचंच नाव बदनाम होत आहे . शासनाने नुकसान भरपाई द्यावी, हे करणाऱ्यांवर कठोर कारवाई करा. सगळे समाज एकत्र राहात आहे .दलित समाजाची २०० वर्ष सेवा करतोय ,आमचा दंगलीशी काही संबंध नाही, असं ग्रामस्थांनी सांगितलं.
.jpg)
