काँग्रेसचे उपाध्यक्ष राहुल गांधींना
पंतप्रधानपदाचे उमेदवार घोषित करण्याची तयारी काँग्रेसमध्ये सुरू आहे.
मात्र दुसरीकडे केंद्रीय गृहमंत्री सुशीलकुमार शिंदे यांनी वेगळाच सूर
लावला. सोलापूरमध्ये दैनिक लोकमतच्या कार्यक्रमात शिंदेंची प्रकट मुलाखत
घेण्यात आली यावेळी शिंदे म्हणाले की, केंद्रीय कृषीमंत्री शरद पवार
पंतप्रधान झाले तर आपल्याला आनंद होईल त्यामध्ये काही दूमत नाही. मी आताच
म्हणत नाही तर केंद्रीय स्तरावर सुद्धा हेच बोललोय. प्रत्येकांची इच्छा
असते. पवार 1992 पासून पंतप्रधानपदासाठी प्रयत्न करत आहे. त्याचवेळी ते
पंतप्रधानपदाच्या शर्यतीत होते पण दुर्देवाने त्यांना राज्याचं
मुख्यमंत्रीपद देण्यात आलं आणि ते राज्यात आले असं सुशीलकुमार शिंदे
म्हणाले होते.
पण आपल्या वक्तव्यामुळे गोंधळ उडाल्यामुळे
शिंदेंनी लगेचच घूमाजवही केलं. राहुल गांधी हेच आमचे नेते असून आमच्या
पक्षाचं त्यांच्या नावावर एकमत आहे अशी सारवासारव शिंदे यांनी केली.
एकंदरीतच या वादाच्या निमित्ताने शिंदे यांनी सारवासारव जरी केली असली तरी
राहुल हेच पंतप्रधानपदाचे उमेदवार आहे असे स्पष्ट संकेत दिले आहे.
